АҚПАРАТТЫҚ ГРАФИКА 

 

Павлодар облысында «Жұмыспен қамту 2020 жол картасы» бағдарламасын іске асыру туралы ақпарат

Павлодар облысында Жұмыспен қамту жол картасы шеңберінде инфрақұрылымдық жобаларды іске асыру басталды. Облыс бойынша жалпы сомасы 43,2 млрд.теңгеге әлеуметтік нысандарды, инженерлік-көліктік инфрақұрылымды, суару жүйелерін, ТКШ объектілерін жөндеу және салу бойынша 221 инфрақұрылымдық жоба қарастырылған. Барлық жобалар бойынша 12323 жұмыс орны құрылады, бұл ретте жаңадан құрылған жұмыс орындарының жартысы жұмыссыздарға жұмыспен қамту орталықтары арқылы берілетін болады. Жұмыспен қамту жол картасы аяқталғаннан кейін жаңа нысандардың құрылысы есебінен 403 жаңа тұрақты жұмыс орны ашылады. Ұсынылған жобалар бойынша есептелген орташа айлық жалақы мөлшері 85,0 мың теңгеден кем болмайды. 2020 жылғы 14 мамырдағы жағдай бойынша 58 жоба бойынша жөндеу жұмыстары басталды. Осы жобаларда 6214 жұмыс орны құрылды, оның 3107 халықты жұмыспен қамту орталықтарының жолдамасы бойынша жұмысқа орналастыру үшін ұсынылды. Бүгінгі күні халықты жұмыспен қамту орталықтары 571 адамды жұмысқа орналастырды. Халықты жұмыспен қамту орталықтарымен құрамына медицина қызметкерлері кіретін мобильдік рекрут пункттері құрылды. Мобильді рекрут пункттері ақпараттық-түсіндіру жұмыстарын жүргізеді, медициналық тексеру жүргізуді қамтамасыз етеді. Бөлінген қаражатты тиімді пайдалану және ҚМЖ жүргізілуін бақылау мақсатында облыста Жұмыспен қамту жол картасын іске асыруды үйлестіру және мониторингілеу жөніндегі комиссия құрылды. Осыған ұқсас комиссиялар барлық қалалар мен аудандарда құрылған. ЖҚЖК инфрақұрылымдық жобаларын іске асыруға бақылауды қамтамасыз ету үшін 20 мониторингтік топ құрылды, оған барлық деңгейдегі мәслихат депутаттары, НұрОтан партиясының мүшелері, "Атамекен" ҰКП филиалдарының басшылары, сала ардагерлері, қоғам және мемлекеттік органдардың өкілдері енгізілген.

---