Жергілікті атқарушы органның 2020 жылғы 6 айында көрсетілген мемлекеттік қызметтер бойынша есебі  

1. Қазақстан Республикасының 2011 жылғы 22 шілдедегі «Халықтың көші-қоны туралы» Заңының 15-бабы 3-тармағына сәйкес облыс жұмыспен қамтуды үйлестіру және әлеуметтік бағдарламалар басқармасының функцияларына «Оралман мәртебесін беру» мемлекеттік қызметін көрсету жатады.

Осы қызмет Оралман мәртебесін беру қағидаларымен (ҚР ЕжХӘҚМ 22.07.2013ж. №329-Ө-М бұйрығы) регламенттелді және ҚР Денсаулық сақтау және әлеуметтік даму министрінің 2015 жылғы 28 сәуірдегі № 279 бұйрығымен бекітілген «Оралман мәртебесін беру» мемлекеттік қызметін көрсету стандартына сәйкес көрсетіледі. 2020 жылғы 6 айында 328 азаматқа оралман куәлігі берілді және ұзартылды (Гос.корпорация арқылы). Құжаттарды ресімдеу, куәліктерді беру заңнамамен белгіленген мерзімдерде жүргізілді, куәліктерді беруді тіркеу арнайы тігілген және нөмірленген журналдарда жүргізілді. Құжат топтамасы толық емес болуына байланысты 33 азаматқа мемлекеттік қызмет көрсетуге бас тартылды.  

2. Жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттары мемлекеттік көрсетілетін қызмет ҚР Денсаулық сақтау және әлеуметтік даму министрінің 2016 жылғы 27 маусымдағы № 559 бұйрығымен бекітілген.

2020 жылғы 6 айында облыс жұмыспен қамтуды үйлестіру және әлеуметтік бағдарламалар басқармасымен бекітілген жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттарына  сәйкес 19 жұмыс берушінің 25 өтініші бойынша шетелдік жұмыс күшін тартуға 31 рұқсат берілді, соның ішінде  7 жұмыс берушінің 9 өтініші бойынша шетелдік жұмыс күшін тартуға  6 рұқсат ұзартылды және 3 жұмыс берушінің 3 өтініші бойынша  шетелдік жұмыс күшін тартуға 3 рұқсат қайта рәсімделді, соның ішінде:

• 1 – қағаз түрінде;
• 30 – электрондық түрде.

Шетелдік мамандардың мемлекеттік қызмет көрсетуден 1 рет бас тартылды. Барлық өтініштер ҚР Денсаулық сақтау және әлеуметтік даму министрінің 2016 жылғы 27 маусымдағы № 559 бұйрығымен бекітілген жұмыс берушілерге шетелдік жұмыс күшін тартуға рұқсат беру және (немесе) ұзарту, сондай-ақ корпоративішілік ауыстыруды жүзеге асыру қағидалары мен шарттары мемлекеттік қызметін Қағидаларымен белгіленген мерзімдерде қаралды. Есепті кезеңде қызмет алушылардан көрсетілген мемлекеттік қызметтердің сапасына шағымдар түскен жоқ.